قلب الورد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

قلب الورد

افضل الافلام الاجنبى والعربى واحدث الاغانى والالعاب وبرامج الكمبيوتر والمصارعة
 
الرئيسيةأحدث الصورالتسجيلدخول

 

 ميلودي تتحدى المل

اذهب الى الأسفل 
2 مشترك
كاتب الموضوعرسالة
ahmed ali
عضو نشيط
عضو نشيط
ahmed ali


عدد المساهمات : 68
نقاط : 15866
تاريخ التسجيل : 11/11/2009

ميلودي تتحدى المل Empty
مُساهمةموضوع: ميلودي تتحدى المل   ميلودي تتحدى المل Emptyالسبت ديسمبر 12, 2009 4:59 pm

بصراحة ميلودي تعتبر من أحلى القنوات الى كتير مننا
يحب يتفرج عليها بس جميلة ورائعة جدا وربنا يكرم صاحبها ويوفقهم ويعرو لنا أجمل الفيديو كليبات وياريت يتوصوا شوية بالاغانى الروشة لزوم الافتكاسات والافلامة

تعتبر ميلودي ضمن قائمة القنوات المفضلة لدي العديد من الشباب مين فينا مش بيسمع ميلودي

بصراحة هي قناة بتساند الأخلاق وتدعو إلى ترك الأخلاق الحميدة والتمسك بأخلاق حمادة

يعنى الفيديو كليبات جميلة وكمان أصوات المطربين والمطربات والذوق الفني الرفيع

والله أوفر من أن الواحد يمسك الرويموت ويتوجه للقمر الأوربي اهوه جبنا لك الانحراف لغاية عندك وأنتا عيش بقى

الفن العربي في تقدم

طب إيه رأيكم في الأفلام ؟

بصراحة برضه مش كلها يعنى في وفيه بس الجميل إن الوحش يغطى على الحلو والسيئة بتعم والحسنة بتخص

يعنى نسبة كبيرة من الأفلام كلها حب وغرام وبتنجان وكوسة والله ينور وبتدخل السينما وبتكسب ملايين

مش عارف كل ما أتفرج على فيلم واندمج معاه لازم ألاقى أتنين بيحبوا بعض طب مافيش أتنين بيكرهوا بعض .

أنا بطلت أروح السينما وأشوف الأفلام لأني عرفتها من الإعلان بتعها ومن كمان الفيديو كليبات إلى بقت بتنزلها على القناة الموقرة ميلودي

سيبك ياعم من الأفلام أنتا ماسك فيها ليه خليك في الأغاني ؟

بصراحة المطربين بقوا بال كيلوا كل يوم مطرب جديد يعنى مش حا تزهق على رأى الحج ميلودي (ميلودي يتحدى الملل)
المشكلة أن الاغانى سمك لبن تمر هندي كلام على شوية خبط وترزيع على مطرب واقف وسط بنات أو مطربة واقفة وسط أولاد وكله تمام وبقى عندك أحلى فيديو كليب .

موضوع مش حا ينتهى وحرب على الفيديو كليبات مش حا تنتهى المشكلة ان القنوات دي إلى بتمولها شركات كبيرة
يعنى اعلانات كوكاكولا وبيبسي مش بتفارقها

ياعم أنتا عاوز مننا إيه ما تخلينا عايشين يعنى أنتا بتقولنا ما تتفرجوش على الافلام ولا تسمعوا اغانى خليكم قاعدين اسمعوا الردايو .......... انتا وحش احنا مش بنحبك

يا حبايب قلبي ممكن تسمعوا أغاني بس أغاني كويسة مش كل ألاغاني هابطة ونسبة كبيرة مننا بتسمع أغاني سواء برضاها او غصب عنها فى أغاني فعلا تستاهل أن هي تتسمع لأن بيبقى فيها كلام جميل ومعانى كتيرة
بس مش معنى كده انى ابقى ماشى فى الشارع الاقى واحد ماشى وعمال يغنى اتحنطر وترجن ترجن على رأى المطرب العظيم سعد الصغير .
تخيل أنتا شكلك وأنتا ماشى وعمال تتحنطر
شاب المفروض يكون قدوة لكل الشباب إلى اصغر منه والى فى سنه وعمال يغنى اتحنطر واتنطط .

الأغاني والفيديو كليبات أصبحت كالفيروسات على عقول شبابنا إلى كان ب يضرب بهم الأمثال والحكم بقى ب تضرب بيهم التفاهة والسذاجة .
تعالو نعمل( سكان) فحص داخل أنفسنا ونطلع كل الفيروسات إلى مالها ش اى لزمة ونحاول نجدد ونغير أسلوب حياتنا
انا والله ولا هربان من العصور الوسطى ولا ملاك
انا شاب زيكم تمام كل المؤثرات دي حوليا بس بحاول انى ابعد عنها ونفسي تبقوا كلكم معايا ........
يلا بينا نغير فى حياتنا ادخل واشوف واسمع واعرف دينك دور مواقع كتيرة عاوزك تقراها وتشارك فيها اسمع الى حواليك بلاش تظلم نفسك اكتر ماهى مظلومة .
الرجوع الى أعلى الصفحة اذهب الى الأسفل
meshmesha
مشرفه
مشرفه
meshmesha


عدد المساهمات : 342
نقاط : 16364
تاريخ التسجيل : 10/11/2009
الموقع : http://frhaaso.blogspot.com/

ميلودي تتحدى المل Empty
مُساهمةموضوع: رد: ميلودي تتحدى المل   ميلودي تتحدى المل Emptyالثلاثاء ديسمبر 15, 2009 5:37 am

ميلودي تتحدى المل I666346_23wu1

ميرسي على الموضوع الجميل ده ربنا يصلح حالنا وحال الشباب المسلمين
الرجوع الى أعلى الصفحة اذهب الى الأسفل
 
ميلودي تتحدى المل
الرجوع الى أعلى الصفحة 
صفحة 1 من اصل 1
 مواضيع مماثلة
-
» البوم ميلودي هيتس 6 CD.Q 320Kbps

صلاحيات هذا المنتدى:لاتستطيع الرد على المواضيع في هذا المنتدى
قلب الورد :: المنتدي العام :: منتدي الحوار العام-
انتقل الى: