قلب الورد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

قلب الورد

افضل الافلام الاجنبى والعربى واحدث الاغانى والالعاب وبرامج الكمبيوتر والمصارعة
 
الرئيسيةأحدث الصورالتسجيلدخول

 

 من اشعار صلاح جاهين ....!!!!!

اذهب الى الأسفل 
2 مشترك
كاتب الموضوعرسالة
اوركسترا
مشرف عام المنتدى
مشرف عام المنتدى
اوركسترا


عدد المساهمات : 361
نقاط : 16241
تاريخ التسجيل : 07/11/2009
العمر : 38
الموقع : http://crazyboyz.ahlamontada.com/

من اشعار صلاح جاهين ....!!!!! Empty
مُساهمةموضوع: من اشعار صلاح جاهين ....!!!!!   من اشعار صلاح جاهين ....!!!!! Emptyالجمعة ديسمبر 11, 2009 7:09 am

من اشعار صلاح جاهين ....!!!!! Printed_52_01


بحر الحياه مليان بغرقي الحياه

صرخت خش الموج في حلقي ملاه

قارب نجاه .. صرخت .. قارب نجاة

قالوا مفيش

غير بس هو الحب قارب نجاه
عجبي !!!

من اشعار صلاح جاهين ....!!!!! 47

فارس وحيد جوه الدروع الحديد

رفرف عليه عصفور وقال له نشيد

منين .. منين.. و لفين لفين .. يا جدع

قال من بعيد و لسه رايح بعيد

عجبي !!!

من اشعار صلاح جاهين ....!!!!! 47

مرات أفوق و يحل عني غبايا

و أفتكر إني فهمت كل الخبايا

و افتح شفايفي عشان أقول الدرر

ما قولش غير حبة غزل في الصبايا

و عجبي.

من اشعار صلاح جاهين ....!!!!! 47

يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!

من اشعار صلاح جاهين ....!!!!! 47

أنا قلبي كان شخشيخة أصبح جرس

جلجلت بيه صحيوا الخدم والحرس

انا المهرج , خفتوا ليه, قمتوا ليه

لا في ايدي سيف ولا تحت مني فرس

وعجبي

من اشعار صلاح جاهين ....!!!!! 47

ولدي نصحتك لما صوتي اتنبح
..
ما تخافش من جني ولا من شبح ..

وان هب فيك عفريت قتيل اساله ..

ما دافعش ليه عن نفسه يوم ما اندبح ..

وعجبي

من اشعار صلاح جاهين ....!!!!! 47

يأسك وصبرك بين ايديك وانت حر

تيأس ما تيأس الحياة راح تمر

أنا دقت من دة ومن دة وعجبي لقيت

الصبر مر وبرضه اليأس مر

عجبي

من اشعار صلاح جاهين ....!!!!! 47

علي بــعد ملـــيون مــيل من أرضنا

من الفــراغ الــكوني بصــيت أنـا

لا شفت فرق ما بين جبال و بحور

ولا شفت فرق ما بين عذاب أو هنا

عجبي

من اشعار صلاح جاهين ....!!!!! 47

أنا كل يوم أسمع .. فلان عذبوه

أسرح ف بغداد والجزاير واتوه

ما أعجبش م اللي يطيق بجسمه العذاب

وأعجب من اللي يطيق يعذب أخوه

عجبي!!

من اشعار صلاح جاهين ....!!!!! 47

أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!

من اشعار صلاح جاهين ....!!!!! 47

انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!

من اشعار صلاح جاهين ....!!!!! 47

يا طير يا عالي في الســــــما طظ فيك

ما تفتكرشي ربنا مصطــــــــــــــــفيك

برضـــــــــــك بتاكل دود و للطين تعًًًًودً

تمـــــــــص فيه يا حلو .. و يمص فيك

عجبي !!!

من اشعار صلاح جاهين ....!!!!! 47

يا عندليب ماتخافش من غنوتك

قول شكوتك و احكي عن بلوتك

الغنوة مش هتموتك إنما

كتم الغنا هو اللي هيموتك

!عجبي

من اشعار صلاح جاهين ....!!!!! 47

يا للي بتبحث عن إله تعبده

بحث الغريق عن أي شيء ينجده

الله جميل و عليم و رحمن رحيم

إحمل صفاته ... و انت راح توجده

!عجبي



غمض عينيك و امشي بخفة و دلع

الدنيا هي الشابة و انت الجدع

تشوف رشاقة خطوتك تعبدك

لكن انت لو بصيت لرجليك ... تقع

!عجبي

من اشعار صلاح جاهين ....!!!!! 47

أوصيك يا ابني بالقمر و بالزهور

أوصيك بليل القاهرة المسحور

و إن جيت في بالك ... اشتري عقد فل

لأي سمرا ... و قبري إوعك تزور

!عجبي


من اشعار صلاح جاهين ....!!!!! 47

لو فيه سلام في الأرض و طمان و أمان

لو كان مفيش و لا فقر و لا خوف و جبن

لو يملك الإنسان مصير كل شيء

أنا كنت أجيب للدنيا ميت ألف ابن

!عجبي

من اشعار صلاح جاهين ....!!!!! 47

جالك أوان و عرفت مشي الجنايز

كيف شفتها يا عبد رب اللذايذ

قال: شفت شيل بالحيل فقير أو أمير

كما شالوا في الحمامير فواضي القزايز

!عجبي

من اشعار صلاح جاهين ....!!!!! 47

يا للي انت بيتك قش مفروش بريش

تقوى عليه الريح. يصبح مفيش

عجبي عليك حواليك مخالب كبار

و ما لكش غير منقار و قادر تعيش

!عجبي

من اشعار صلاح جاهين ....!!!!! 47

يا حزين يا قمقم تحت بحر الضياع

حزين أنا زيك و إيه مستطاع

الحزن ما بقالهوش جلال يا جدع

الحزن زي البرد ... زي الصداع

!عجبي

من اشعار صلاح جاهين ....!!!!! 47

أنا قلبي كان شخشيخة أصبح جرس

جلجلت بيه صحيوا الخدم و الحرس

أنا المهرج ... قمتو ليه خفتو ليه

لاف إيدي سيف و لا تحت مني فرس

!عجبي

من اشعار صلاح جاهين ....!!!!! 47

حبيت...لكن حب من غير حنان

وصاحبت لكن صُحبه مالهاش أمان

رحت لحكيم واكتر لقيت بلوتي

إن اللي جوّه القلب مش ع اللسان

!عجبي

من اشعار صلاح جاهين ....!!!!! 47

إيش تطلبي يا نفس فوق كل ده

حظك بيضحك وانتي متنكدة

ردت قالت لي النفس: قول للبَشَر

ما يبصوليش بعيون حزينة كده

!عجبي


من اشعار صلاح جاهين ....!!!!! 47

بحر الحياه مليان بغرقى الحياه

صَرَخت خش الموج في حلقي ملاه

قارب نجاه!...صَرَخت قالوا مفيش

غير بس هو الحب قارب نجاه

!عجبي

من اشعار صلاح جاهين ....!!!!! 47

إنشد يا قلبي غنوتك للجمال

وارقص في صدري من اليمين للشمال

ماهوش بعيد تفضل لبكره سعيد

ده كل يوم فيه ألف ألف احتمال

!عجبي

من اشعار صلاح جاهين ....!!!!! 47

زحام وأبواق سيارات مزعجة

إللي يطول له رصيف...يبقى نجا

لو كنت جنبي يا حبيبي أنا

مش كنت أشوف إن الحياة مبهجه؟

!عجبي

من اشعار صلاح جاهين ....!!!!! 47

إيديا في جيوبي وقلبي طِرب

سارح في غربة بس مش مِغترِب

وحدي لكين وَنسان وماشي كده

وبابتعد...ما اعرفش...أو باقترِب

!عجبي

من اشعار صلاح جاهين ....!!!!! 47

فتحت شباكي لشمس الصباح

ما دخلش منه غير عويل الرياح

وفتحت قلبي عشان أبوح بالألم

ما خرجش منه غير محبة وسماح

!عجبي

من اشعار صلاح جاهين ....!!!!! 47

أنا الذي عمري اشتياق في اشتياق

وقطر داخل في محطة فراق

قصدت نبع السم وشربت سم

من كتر شوقي وعشمي في الترياق

!عجبي
الرجوع الى أعلى الصفحة اذهب الى الأسفل
المنسي
عضو جديد
عضو جديد
المنسي


عدد المساهمات : 32
نقاط : 15682
تاريخ التسجيل : 18/12/2009

من اشعار صلاح جاهين ....!!!!! Empty
مُساهمةموضوع: رد: من اشعار صلاح جاهين ....!!!!!   من اشعار صلاح جاهين ....!!!!! Emptyالسبت ديسمبر 19, 2009 8:37 am

تسلم ايدك اوركستر بجد موضوع جمل

من اشعار صلاح جاهين ....!!!!! 72183.imgcache
الرجوع الى أعلى الصفحة اذهب الى الأسفل
 
من اشعار صلاح جاهين ....!!!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قلب الورد :: المنتديات الادبية :: منتدى الشعر-
انتقل الى: