قلب الورد

افضل الافلام الاجنبى والعربى واحدث الاغانى والالعاب وبرامج الكمبيوتر والمصارعة
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 مش قادر التزم ---اصل انا خايف!!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
reem
مشرفه
مشرفه


عدد المساهمات : 190
نقاط : 8021
تاريخ التسجيل : 06/11/2009
العمر : 26

مُساهمةموضوع: مش قادر التزم ---اصل انا خايف!!!!   الخميس نوفمبر 19, 2009 3:45 am





بسم الله الرحمن الرحيم






خايف ألتزم








بسم الله الرحمن الرحيم ، وبه نستعين ، وصلى اللهم على خير الذاكرين والشاكرين محمدا وعلى أله وصحبه وسلم ، أما بعد


قال الله تعالى


((إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنتُمْ تُوعَدُونَ ))فصلت30




فربنا تعالى بشر عباده الذين رضوا به ربا وأمنوا به ، وأستقاموا على تعاليمه ، بشرهم بالجنه وحسن المئاب ، يعنى المفروض منكنش مؤمنين بالاسم، فاللهم أرزقنا الالتزام وأجعلنا من عبادك الملتزمين يارب العالمين.


وكتير مننا ، بفضل الله وعونه ، سمع عن ربنا ، وأتعرف على كرمه وعدله ولطفه بعباده ، وكمان عقابه وعذابه ، وقلوب كتير مننا متأثرة بالدين، ونفسها تلتزم بتعاليم ربنا وبمنهجه ، بس المشكلة فى ...خايف ألتزم..ودى كلمة فى لسان كتير مننا ، مع أختلاف الاسباب من شخص لأخر.




تعالوا نفتح قلوبنا لبعض ، ونقطع الاتصال بالدنيا ، حتى نساعد بعض للوصول بإذن الله تعالى إلى بر الامان ، فى هذا المشهد الجميل ، اللهم لا تحرمنا أن نكون بينهم...
قال تعالى


((يَوْمَ تَرَى الْمُؤْمِنِينَ وَالْمُؤْمِنَاتِ يَسْعَى نُورُهُم بَيْنَ أَيْدِيهِمْ وَبِأَيْمَانِهِم بُشْرَاكُمُ الْيَوْمَ جَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا ذَلِكَ هُوَ الْفَوْزُ الْعَظِيمُ ))الحديد12
..........................
................................................................
ونبدأ بسم الله...بالاسباب المختلفه ، اللهم أرزقنا التوفيق والسداد
...........


خايف ألتزم لحسن أكون مش قدها و أرجع تانى وأكون فتنة لغيرى...طيب أنت عرفت منين إنك هترجع تانى ، يترى بتعلم الغيب؟؟
وبعدين فين ثقتك فى ربنا وتوكلك عليه ، فأنت عليك البدايه وعليه هو التمام،
وبعدين ربنا قالنا إن اللى هيتعب شويه ويجاهد شهواته ، هيحس فى الاول بالتعب وبالمجاهده ، وبعدين لما ربنا يشوف مدى إخلاصه وصدقه ، هيسرله كل الطرق إليه.


.قال تعالى
((وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِين))
العنكبوت:69


ياااااااه ، يالله ، قد أيه أنت كريم ، بتهدينا وتيسرلنا وكمان بتجازينا على أعمال ، جلالك وحده هو اللى يسرلنا ذلك..اللهم لك الحمد والشكر
وبعدين لو بتقول إنك مش قدها ، طيب أمتى هتبقى قدها؟ واللى ألتزموا دول أحسن منك فى إيه؟؟؟
أنت مش نفسك يحبك ربنا ، أصل ربنا بيعطى الفلوس والعربيات والمناصب وغيرهم لمن يحب ومن لا يحب ، ولكن يعطى الهدايه لمن يحب فقط.
اللهم أجعلنا ممن تحب وأهدنا لما تحب وأجعلنا من عبادك الصالحين.




أثبت وأحسن الظن فالله ، فاللى مع ربنا ، ربنا مش ممكن يسيبه ، يسيبك إزاى وهو معاك فى كل حته ،


قال تعالى ((وَهُوَ مَعَكُمْ أَيْنَ مَا كُنتُمْ وَاللَّهُ بِمَا تَعْمَلُونَ بَصير))
.
وكل ما توسوس لك نفسك أو حد من أصحابك ويقلولك كلها يومين وترجع ، قول كما قال موسى عليه السلام


قال تعالى
62الشعراء((((قَالَ كَلَّا إِنَّ مَعِيَ رَبِّي سَيَهْدِينِ)))
..................................................................
سبب تانى ..بس صلى على النبى الاول...أنا خايف ألتزم لحسن أصحابى يتريقوا عليا ويعدوا دايما يفكرونى بالذى مضى، هقولك أنت بتلتزم علشان خاطر ربنا ، مش عشان أصحابك ، وفين بقى ثقتك فى نفسك وأعتزازك بدينك ، لأن أصحابك اللى بيتريقوا دول مش بيعملوا حاجه صعبه ، أى حد يقدر يشرب مخدرات ويكلم بنات ويعمل كل الذنوب ، وكتير قبلهم عمل اللى بيعملوه ، يعنى هما مش بيخترعوا الذره ، لأن الشيطان بيساعدهم على كده ، لكن الهدايه دى والله شرف وعزة وكرم ليك من ربنا ، وأعرف إن أصحابك كلهم نفسهم يبقوا كويسين بس مش عارفين ومش عايزين مؤقتا ، وعلشان يرضوا ضميرهم يعدوا يتريقوا عليك ، علشان يحسسوا نفسهم إنهم اللى صح وانت اللى غلط ، وهما واثقين إنهم هما اللى غلط ، وبعدين كلها فترة وهتلاقيهم هما اللى بيقلولك متسبناش وخدنا فى طريقك ، وحط العبارة دى فى دماغك


الملتزم فى مجتمعه شعاع نور إن لم يستطع الشيطان إطفائه سلط عليه أصحابه.


خليك راجل وعندك شخصيه وكون أنت القائد للخير ، ماحنا ياما كنا قواد فى الغلط ، اللهم أغفر لنا وأرحمنا ، وخلى شعارك كما قال شيخنا محمد حسن يعقوب ، بارك الله فيه وفى اهله ، أثر ولا تتأثر.
.......
سبب غيره...بس برده صلى على النبى...أنا خايف ألتزم لحسن تحصلى مشاكل وكده ، فأحب أوصل إن فكرة الملتزمين إنهم جماعات وأرهاب ، الفكره دى بفضل الله تكاد أن تكون أنتهت ، وأنت مدام ماشى صح ، عمر ماهيصلك حاجه، وأعرف ان النافع والضار هو الله ، مش الناس ، صدقنى ممكن كتير من الناس أول ما تفكر إنك تلتزم يفضلوا ينصحوك إن كده غلط ويخوفوك ، فأعرف إن الناس دى مسلطهم الشيطان عليك ، وبقوا فى اللحظة دى من شياطين الانس، لأنك ممكن وأنت مش ملتزم ، تحصلك مشاكل كبيرة ومصايب ، أو ممكن تكون فى مكان ما ، وأنت فى معصيه ، ويشاء الله أن يكشف ستره ، ويتقبض عليك ، وساعتها هتكون مصيبه وفضيحه كمان ، يعنى مش الالتزام هو اللى هيجبلك مشاكل ، وكل شىء مكتوب ، وقدرك هتشوفه هتشوفه ،
كما قال صلى الله عليه وسلم ((لا يؤمن عبد حتى يؤمن بالقدر خيره وشره ، حتى يعلم أن ما أصابه لم يكن ليخطئه ، وأن ما أخطأه لم يكن ليصيبه))
صدق رسول الله صلى الله عليه وسلم.
وعايزك تسمع الايات دى وتحطها حلقه فى ودانك، وأستشعر كل كلمه فيها.


قال تعالى:
((الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَاناً وَقَالُوا حَسْبُنَا اللَّهُ وَنِعْمَ الْوَكِيلُ*فَانْقَلَبُوا بِنِعْمَةٍ مِنَ اللَّهِ وَفَضْلٍ لَمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ وَاللَّهُ ذُو فَضْلٍ عَظِيمٍ*إِنَّمَا ذَلِكُمُ الشَّيْطَانُ يُخَوِّفُ أَوْلِيَاءَهُ فَلا تَخَافُوهُمْ وَخَافُونِ إِنْ كُنْتُمْ مُؤْمِنِينَ))آل عمران:
173-175
فلو هتخاف ، يبقى تخاف من ربنا وبس ، هو الملك ، هو اللى بإيده ينتقم من أى أحد، هو المعذ وهو المذل ، هو الذى أمره بين الكاف والنون ، فإذا قال كن فيكون ، فمن وجد الله فماذا فقد ومن فقد الله فماذا وجد؟؟؟
........
سبب أخر...صلى على النبى أولا...أنا خايف ألتزم علشان حاسس إن حياة الدين دى خنئه ، هقولك ربنا أتكلم عنك وعن كلمة خنئه ، اللى أنت بتقولها ، ومثلك بالذى يصعد الى السماء ، فكل ما يصد يقل التنفس ، فيحس بالخنئه.
حقيقة علميه (كلما ارتفع الإنسان في السماء انخفض الضغط الجوي وقلّت كمية الأكسجين مما يتسبب في حدوث ضيق في الصدر وصعوبة في التنفس)


فلو كنت شغلت عقلك وقولت لأ أكيد اللى هيبقى مع الملك ، مالك القلوب ، واللى وحده قادر ان يشعرها بالسعاده ، فكان هيشرح صدرك
قال تعالى
((فَمَنْ يُرِدِ اللَّهُ أَنْ يَهدِيَهُ يَشْرَحْ صَدْرَهُ لِلإِسْلامِ وَمَنْ يُرِدْ أَنْ يُضِلَّهُ يَجْعَلْ صَدْرَهُ ضَيِّقًا حَرَجًا كَأَنَّمَا يَصَّعَّدُ فِي السَّمَاءِ))الأنعام: 125
.............
شغل عقلك وأحسبها صح ، فربنا قالك إن النساء والمال والدنيا مزينه فى قلبك ، وقلك برده ان اللى عنده أحسن وخير وأبقى.
قال تعالى
((زُيِّنَ لِلنَّاسِ حُبُّ الشَّهَوَاتِ مِنَ النِّسَاء وَالْبَنِينَ وَالْقَنَاطِيرِ الْمُقَنطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالأَنْعَامِ وَالْحَرْثِ ذَلِكَ مَتَاعُ الْحَيَاةِ الدُّنْيَا وَاللّهُ عِندَهُ حُسْنُ الْمَآبِ ))آل عمران14
أحسبها صح وشوف انت عايز ايه....أحسبه صح وأعرف نهاية طريقك أيه
أحسبها صح وأعرف إنك محتاج إليه....وهيجى يوم وتقف بين إيديه
ويسألك عن كل حاجه عملتها...عن كل أيه سمعتها وبدلتها
دى الحياه لعبه لعبها كتير غيرك...أنتهى دورهم وهه جه دورك
جنه ونار وليك الان الاختيار...متقولش بكرة ممكن تموت اخر النهار


إن وفقت فى كتابتى ، فما توفيقى إلا بالله عليه توكلت وإليه أنيب ، وإن كان هناك خطأ فإنه منى ومن الشيطان ، اللهم أرزقنا الاخلاص فى القول والفعل والعمل ، اللهم إنى لا حول لى ولا قوة إلا بك فأجعلنى لك وبك وإليك


اللهم إنى أسألك حبك وحب من أحبك وحب عملا يقربنى لحبك وأجعل حبك أحب إلى من أهلى ونفسى ومالى
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
إنشرها جعلها الله فى ميزان حسناتك فالدال على الخير كفاعله
وصلى اللهم على محمد وعلى أله وصحبه وسلم ، وأخر دعوانا أن الحمد لله رب العالمين

ـــــــــــــــــــــــــــــــــــــ التوقيع ــــــــــــــــــــــــــــــــــــــ
وبحب الناس الرايقه .. اللي بتضحك على طول
اما العالم المديئه .. انا لا مليش في دول

ومليش في الدمع لا لا .. ولا في الناس الشيانه
كل اللي فـ قلبه حاجه .. اول بـ اول بيقول
آه ...
الرجوع الى أعلى الصفحة اذهب الى الأسفل
logy
عضو نشيط
عضو نشيط


عدد المساهمات : 60
نقاط : 7832
تاريخ التسجيل : 09/11/2009
العمر : 25

مُساهمةموضوع: رد: مش قادر التزم ---اصل انا خايف!!!!   الجمعة نوفمبر 20, 2009 1:44 am

اللهم ثبتنا جمعيا على ما هدانا الية


شكرا لطرحك الموضوع
الرجوع الى أعلى الصفحة اذهب الى الأسفل
اوركسترا
مشرف عام المنتدى
مشرف عام المنتدى


عدد المساهمات : 361
نقاط : 8240
تاريخ التسجيل : 07/11/2009
العمر : 30
الموقع : http://crazyboyz.ahlamontada.com/

مُساهمةموضوع: رد: مش قادر التزم ---اصل انا خايف!!!!   الإثنين نوفمبر 23, 2009 12:27 pm

موضوع فى منتهى الجمال ريم

سلمت يداكى وجزاكى الله خير على مجهودك

ـــــــــــــــــــــــــــــــــــــ التوقيع ــــــــــــــــــــــــــــــــــــــ
الرجوع الى أعلى الصفحة اذهب الى الأسفل
kapooo
Admin
Admin


عدد المساهمات : 248
نقاط : 8064
تاريخ التسجيل : 04/11/2009
العمر : 27

مُساهمةموضوع: رد: مش قادر التزم ---اصل انا خايف!!!!   الثلاثاء نوفمبر 24, 2009 7:44 am

جزاك الله خيرا مشمشة وجعله الله في ميزان حسناتك

ـــــــــــــــــــــــــــــــــــــ التوقيع ــــــــــــــــــــــــــــــــــــــ
الرجوع الى أعلى الصفحة اذهب الى الأسفل
http://roseheart.yoo7.com
 
مش قادر التزم ---اصل انا خايف!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قلب الورد :: المنتديات الاسلامية :: منتدي الحوار الاسلامي-
انتقل الى: